Serfrøðingur: Í lagi at sleppa sær av við kredittmeting

<div>Tað er í lagi, at BankNordik sleppur sær av við metingarfyritøkuna Moodys.&nbsp;</div><div><br></div><div>Tað heldur danski bankaserfrøðingurin, Bjarne Jensen.</div><div><br></div><div>Sambært forstjóranum í BankNordik hevur bankin sagt upp samstarvið við Moodys, tí brúk er ikki fyri metingunum.</div><div><br></div><div>- Vit hava ikki tørv á at læna pengar, og tíansheldur brúk fyri metingini hjá Moodys, sigur Janus Petersen.</div><div><br></div><div>Bjarne Jensen, bankaserfrøðingur, vísir á, at peningastovnar rinda dýrt fyri kredittmetingarnar frá Moodys, og tá BankNordik ikki hevur brúk fyri hesum metingum, er avgerðin løtt at taka.</div><div><br></div><div>Seinast lækkaði Moodys kredittmetingina hjá BankNordik og ávaraði samstundis um, at bankin nærkaðist einum stigi, har peningastovnar helst ikki vilja verða.</div><div><br></div><div>Janus Petersen vísir aftur, at bankin vrakar metingarfyritøkuna, tí bankin ikki fær eina kredittmeting, sum bankanum hóvar.</div><div><br></div><div>Átta stórir peningastovnar í ríkinum fingu í farnu viku eina fráboðan frá metingarfyritøkuni Moodys, at teir vóru á vandaleið, og at kredittmetingin helst fór at lækka.</div><div><br></div><div>Hesir bankar eru: Danske Bank, DLR Kredit, Jyske Bank, Nordea Danmark, Ringkjøbing Landbobank, Spar Nord Bank, Sydbank og Nykredit.</div><div><br></div><div>Metingarfyritøkurnar hava verið fyri atfinningum, tí ongar ávaringar vóru frammi undan seinastu bankakreppu.&nbsp;</div><div><br></div><div>Tí eru fleiri danskir serfrøðingar, sum halda, at lækkingin hesaferð hevur ikki so nógv upp á seg.</div>