Jákup á Borg aftur á landsliðnum

<div>Eftir at hava spælt 61 altjóða dystir fyri Føroyar, segði Jákup á Borg landsliðnum farvæl í 2010. Men nú hevur miðvallarin úr B36 aftur hug at spæla fyri landsliðið.</div><div><br></div><div><div>- Eg spældi alla kappingina í fjør, uttan at verða darvaður av skaðum. Í ár eru bara tríggir landsdystir á skránni, so vónandi kann eg vera við til tær uppgávurnar, sigur Jákup á Borg í stuttari viðmerking við heimasíðuna hjá FSF.</div><div><br></div><div>- Hugurin til landsliðið er veruliga komin aftur, so eg gleði meg nógv til venjingarleguna á La Manga í komandi viku, sigur Jákup á Borg.</div></div><div><br></div><div>Leygardagin fer føroyska A-landsliðið hjá monnum á venjingarlegu á La Manga í Spania. Umframt venjingar, eru eisini tveir dystir á skránni. Týsdagin verður spælt ímóti Real Murcia úr næstbestu deildini, og mikudagin í næstu viku skal føroyska landsliði royna seg ímóti La Union, sum spælir í triðbestu deildini í Spania.</div><div><br></div><div><br></div>