Loyva aftur fosfat í saltfiski

Nú er líkt til, at saltfiskaframleiðarar aftur kunnu lata fosfat í fisk, sum verður seldur á ES-marknaðinum.<div><br></div><div>Síðani november hava eisini føroyskir saltfiskaframleiðarar mist pening, tí ES hevur sett forboð fyri at nýta fosfat í framleiðsluni.</div><div><br></div><div>Fosfatið ávirkar eitt nú smakkin og litin á fiskinum, og hevur tí stóran týdning fyri prísin. Tá fiskurin verður útvatnaður, fer fosfatið úr honum aftur. Fosfat verður eisini nýtt i aðrari matvøruframleiðslu.</div><div><br></div><div>Saltfiskaframleiðarar hava lagt trýst á ES-nevndina um at aftur at loyva fosfati í saltfiski, og nú er líkt til, at tað fer at eydnast.</div><div><br></div><div>Matvørunevndin í fólkatinginum viðgjørdi málið í morgun, og millum teirra, sum mæltu til, at fosfat kemur á listan yvir loyvd evni, var Sjúrður Skaale, fólkatingsmaður. Ein samd nevnd tók undir við hesum.</div><div><br></div><div>Málið kemur fyri í matvørunevndini hja ES mánadagin. Verður undirtøkan nóg stór, kemur fosfat aftur á listan yvir loyvd evni 1. juni.&nbsp;</div>