Skal sita í fýra vikur aftrat

<div>Maðurin, sum er skuldsettur fyri at hava beint fyri Dánjali Peturi Hansen fyrst í november í fjør, skal sita fýra vikur afturat í varðhaldi.</div><div><br></div><div>Tað avgjørdi rætturin í dag fyri afturlatnum hurðum.</div><div><br></div><div>Ákærin vildi hava varðhaldsfongslingina longda, millum annað tí at mentalkanningin av tí varðhaldsfongslaða enn ikki er liðug.</div><div><br></div><div>32 ára gamli maðurin, sum hevur verið varðhaldsfongslaður síðani 16. november í fjør, noktar seg sekan í manndrápi, uppysir verjin, Annfinn V. Hansen.</div><div><br></div><div>Næstseinastu ferð, rætturin skuldi taka støðu til at leingja varðhaldsfongslingina, kravdi verjin, at rættarfundurin varð hildin fyri opnum hurðum. Men rætturin eftirlíkaði ikki kravinum.</div><div><br></div><div>Grundgevingin hjá verjanum var, at tann varðhaldsfongslaði fekk ikki rættvísa viðgerð, tí løgreglan kom við so mongum einvísum upplýsingum til fjølmiðlarnar.</div><div><br></div><div>&nbsp;- Hetta hevur løgreglan ivaleyst tikið til eftirtektar, tí nú hoyrist ikki so nógv í fjølmiðlunum, sigur Annfinn V. Hansen, sum tí ikki bað um at hava rættarfundin vera fyri opnum hurðum hesaferð.</div>