Putin verður valdur í fyrra valumfari

<div>Líkt er til, at russiski forsætisráðharrin, Vladimir Putin, verður nýggjur forseti í Russlandi, og at hann verður valdur longu í fyrra valumfari 4. mars.&nbsp;</div><div><br></div><div>Sostatt verður ikki neyðugt við einum valumfari afturat.</div><div><br></div><div>Ein meiningakanning vísir, at Putin fer at fáa 55 prosent av atkvøðunum, og nakað tað sama hava aðrar meiningakanningar víst.</div><div><br></div><div>Einki av mótvalevnunum fær meiri enn 10 prosent av atkvøðunum.</div><div><br></div><div>Mótmæli hava verið í Russlandi síðani tjóðartingsvalið í desember, tí andstøðan hevur sagt, at valsvik varð framt, og at flokkurin hjá Putin fekk størri undirtøku, enn hann í veruleikanum átti.</div><div><br></div><div>Andstøðan sigur, at útvið 100.000 fólk hava mótmælt.</div><div><br></div><div>Men Putin hevur eisini undirtøku, og í gjár lýddu 90.000 fólk á, tá hann helt røðu á Luzhniki leikvøllinum í Moskva.</div><div><br></div><div>Í valstríðnum hevur Putin m.a. boðað frá, at hann næstu 10 árini fer at nýta 4,3 milliardir krónur til russisku verjuna, og hann hevur eisini sagt, at eingin skal leggja seg út í innanhýsis viðurskifti í Russlandi.</div><div><br></div>