Leita eftir skipi fyri Vesturvón

<div style="font-style: normal; ">Vesturvón hevur skjótt tænt fyri seg, og er nú sett á sølulista.</div><div style="font-style: normal; "><br></div><div style="font-style: normal; ">Anfinn Olsen, reiðari váttar fyri útvarpinum, at hann nú arbeiðir við at finna eitt nýtt skip at fiska við loyvinum hjá flakatrolaranum Vesturvón.</div><div style="font-style: normal; "><br></div><div style="font-style: normal; ">- Vesturvón er nú 25 ára gomul, og tí er tíðin komin til at vit umhugsa, hvat vit ætla við skipinum. Tí hava vit sett hana á sølulista, sigur Anfinn Olsen.</div><div style="font-style: normal; "><br></div><div style="font-style: normal; ">Reiðarin sigur, at leitað verður eftir einum nýggjari skipi at avloysa Vesturvón, men hann vísir ikki aftur møguleikanum fyri at byggja nýtt skip.</div><div style="font-style: normal; "><br></div><div style="font-style: normal; ">Vesturvón hevur staðið á sølulista í tríggjar vikur, og onkur fyrispurningur hevur verið frá útlendingum um skipið, men tað kann vera langt frá einum fyrispurningi til veruligan áhuga, staðfestir Anfinn Olsen.</div><div style="font-style: normal; "><br></div><div style="font-style: normal; ">Vesturvón er í løtuni á veg í Barentshavið til fiskiskap. Hon fór úr Føroyum leygardagin eftir at hava landað 800 tons av flaki í Fuglafirði.</div><div style="font-style: normal; "><br></div><div style="font-style: normal; "><br></div><div><i>Mynd: Sandoyarportalurin</i></div>