- Tíðindi, mentan og ítróttur
Búskaparráðið: Flatskatturin er ófíggjaður
<div>Broytingin í skattastiganum, sum kom 1.januar í ár, flatskatturin, er grundleggjandi ófíggjað. </div><div><br></div><div>Tað sigur Búskaparráðið í várfrágreiðing sínari. </div><div><br></div><div>Flatskatturin er ikki fíggjaður við at hækka aðrar inntøkur hjá landi og kommunum. Skattainntøkur eru fluttar úr framtíðini, tí inngjøldini til eftirlønir verða nú skattað. Men hesar inntøkur minka sum frá líður, tá landskassin bara fær skattin frá inngjøldum til eftirlønir. Skattainntøkurnar hjá kommununum minka eisini sum frá líður, tá tær ikki longur fáa skattainntøkur frá útgoldnum eftirlønum. </div><div><br></div><div>Tí mælir Búskaparráðið til at fíggja flatskattin við ognarskatti, umhvørvisgjøldum og tilfeingisgjaldi og strika undantøk og frádráttir í skattalógini og mvg-lógini. </div><div><br></div><div>Búskaparráðið mælir eisini til at minka rentustuðulin upp aftur meira.</div><div> </div><div>Og politikararnir fáa eina heilsan frá ráðnum, sum sigur, at yvirhøvur eru skattaumleggingar ikki fyrireikaðar serliga væl, og tær fáa heldur ikki nakra serliga holla fakliga viðgerð. </div><div><br></div><div>Smálutir í skattaumleggingum, so sum skattaprosentið, verða oftast fyrireikaðir í løgtinginum ella í samgongusamráðingum. Ofta er fíggingin grundað á óvissar metingar um møguligar inntøkur til landskassan av eitt nú broyttari atferð hjá húsarhaldum. </div><div><br></div><div>Búskaparráðið ivast eisini í, at flatskatturin fær fólk, sum arbeiða parttíð, at arbeiða meira, tí nýggi skattastigin er fyrimunur hjá fólki, sum fáa meira enn 250.000 kr. um árið í løn. Onnur hvør kvinna í Føroyum arbeiðir ikki fulla tíð. </div><div><br></div><div><i>Mynd: Thomas Dam er formaður í Búskaparráðnum</i></div>
