- Tíðindi, mentan og ítróttur
Klaksvíkar Sjúkrahús verður umbygt fyri 15 mió. kr.
<p>Øll fíggjarnevndin tekur undir við uppskotinum hjá Karsteni Hansen, landsstýrismanni, um at umbyggja og umvæla Klaksvíkar Sjúkrahús.</p><div><br></div><div>Arbeiðið skal í mesta lagi kosta 15 milliónir krónur, og mett verður, at tað kann gerast yvir trý ár. </div><div><br></div><div>Meginparturin av virkseminum á sjúkrahúsinum er í hølum, sum eru frá 1928 og 1959-60. Hølisumstøðurnar eru vánaligar og ótíðarhóskandi, men ætlanin um at arbeiða við samanløgdum deildum og fáa størri nyttu av fermetrum, kann ikki fremjast, uttan so at sjúkrahúsið verður umbygt og umvælt, sigur Heilsumálaráðið.</div><div><br></div><div>Karsten Hansen hevur lovað fíggjarnevndini, at einki arbeiði verður byrjað, sum ikki kann gerast fyri játtaðu upphæddina. Eisini hevur landsstýrismaðurin vissað nevndina um, at neyvt eftirlit verður við arbeiðnum og byggiætlanini. <br><br>Atkvøtt verður um málið í tinginum mikudagin, tá tað kemur til 2. viðgerð. </div>
