- Tíðindi, mentan og ítróttur
Ræðist ikki handilstiltøk úr ES
<div><br></div><div>Føroyska makrelkvotan verður at kalla tann sama í ár sum í fjør. </div><div><br></div><div>Jacob Vestergaard, landsstýrismaður í fiskivinnumálum, ásetti kvotuna í gjárkvøldið, eftir at hava kunnað landsstýrið um avgerðina.</div><div><br></div><div>Kvotan í ár verður 148.375 tons. Hon var 150.000 tons í fjør. Kvotan er minni í ár, tí fiskifrøðingar mæla til, at mesta loyvda veiðan í ár verður 1,08 prosent minni enn í fjør. Tí er føroyska kvotan eisini 1,08 prosent minni. </div><div><br></div><div>Ísland minkaði eisini sína kvotu, men enn er ikki greitt, um hini strandarlondini fara at gera tað sama. </div><div><br></div><div>Landsstýrið hevur enn ikki gjørt av, hvussu heildarkvotan skal býtast og eftir hvørjari skipan.</div><div><br></div><div>Í gjár var lynsjstemningur móti Føroyum, tá Fiskivinnunevndin hjá ES-tinginum viðgjørdi handilstiltøkini móti Føroyum.</div><div><br></div><div>Men Jacob Vestergaard, landsstýrismaður við fiskivinnumálum, ristir ikki í brókunum av ætlaðu átøkunum frá ES. </div><div><br></div><div>Hann sigur, at føroyingar hava kravt sín part av makrelkvotuni, tí føroyingar hava eins góðan rætt at fiska makrel og ES og Noreg hava.</div><div><br></div><div>- At bara norðmenn og ES-lond fiska burðardygt er langt úti, tí øll, sum fylgja við, vita, hvussu ES - og serliga skotar - hava borið seg í makrelfiskiskapinum. Teir skuldu heldur hugt at sær sjálvum, enn at finnast at føroyingum, sigur Jacob Vestergaard við útvarpið.</div>
