- Tíðindi, mentan og ítróttur
Blokkurin verður útroknaður eftir felagsmálunum
<div><br></div>Sambandsflokkurin á Christiansborg vísir aftur tí, sum Bjarne Corydon, fíggjarmálaráðharri, segði í fólkatinginum í gjár, tá heildarveitingin fyri ár varð til triðju og endaligu viðgerð.<div><br></div><div>Bjarne Corydon róði framundir, at einki samband er millum ríkisveitingina og felagsmálini, t.e. eru mál, sum Føroyar og Danmark fíggja í felag. Fíggjarmálaráðharrin vildi vera við, at heimastýrið ræður einsamalt fyri blokkinum. <br><br>Blokkurin úr statskassanum er ikki stuðul til einstøk málsøki, men pengar, sum heimastýrið ræður fyri, segði Bjarne Corydon.</div><div><br></div><div>Hesum vísir Edmund Joensen, fólkatingsmaður fyri Sambandsflokkin aftur. Hann sigur, at sambært lógini um heildarveitingina verður ríkisveitingin útroknað eftir felagsmálunum. Felagsmálini eru heilusverkið, serforsorgin, fólkatrygging og ein partur av Havstovuni.</div><div><br></div><div>Hetta merkir, at verður t.d. serforsorgin yvirtikin, minkar blokkurin samsvarandi. Í løtuni er upphæddin, sum danir gjalda til hetta málsøkið, 213,3 milliónir krónur. </div><div><br></div><div>Nakað annað er, at landsstýrið brúkar blokkin til ymisk onnur øki, sigur Edmund Joensen. Men lógin ásetur, at beinleiðis samband er millum støddina á blokkinum og felagsmálini, sigur hann. </div><div><br></div><div><br></div><div><br></div><div><br></div>
