Lønir og skattur settu met í februar

Í februar vórðu goldnar slakar 700 milliónir kr. í lønum. Vøksturin er sløk átta prosent

02.03.2012 - 16:55

<p>Februar mánaður setti met í lønargjaldingum og skatti, upplýsir Fíggjarmálaráðið.</p><div><br></div><div>Í februar í vórðu goldnar tilsamans 685,6 mió. kr. í lønum
gjøgnum a-skattaskipanina. Hetta eru 7,7% meira enn í februar í fjør, og
samstundis tann besti februar mánaðurin nakrantíð. <br><br>Sama ger seg galdandi
fyri kommunuskattin, sum eisini var tann besti februar mánaðurin nakrantíð. Í
februar í ár vórðu tilsamans goldnar 114,6 mió. kr. í kommunuskatti. Hetta er
6,8% meira enn í februar 2011.<br><br>Samlaði lands- og eftirlønarskatturin var
góðar 2 mió. kr. størri í februar í ár enn í februar í fjør.</div><div><br></div><div> Eftirlønarskatturin
var 17,5 mió. kr. í februar samanborið við góðar 11 mió. kr. í januar. Ein
frágreiðing til frávikið er helst ymsar barnasjúkur við nýggjueftirlønarskattaskipanini, sum kom í gildi 1. januar í ár. </div><div><br></div><div>Hesar barnasjúkur
fara at hvørva, tá ið vit koma longur út á árið, sigur Fíggjarmálaráðið.<br></div>