- Tíðindi, mentan og ítróttur
Nýggja flogfarið verður latið 22. mars
<div><br></div>Gongst sum ætlað verður nýggja Airbus-flogfarið hjá Atlantsflogi latið eigarunum 22. mars.<div><br></div><div>Flogfarið verður sett saman á verksmiðju í Hamburg. Tað er málað, motorarnir eru festir undir veingirnar, og partar av kabinuni eru eisini settir í. </div><div><br></div><div>Um einar 14 dagar verður flogfarið royndarflogið fyrstu ferð.</div><div><br></div><div>Í gjár vitjaðu Kaj Leo Holm Johannesen, løgmaður, og Johan Dahl, landsstýrismaður í vinnumálum, Airbus-verksmiðjuna í Hamburg, har umboð fyri Atlantsflog og Airbus tóku ímóti.</div><div><br></div><div>Teir fingu kunning um nýggja flogfarið og framleiðsluna hjá Airbus.</div><div><br></div><div>Bæði løgmaður og landsstýrismaðurin eru hugtiknir. </div><div><br></div><div>- Tað var ein stolt sjón, og tað verður ein søguligur dagur, tá flogfarið verður latið føroyingum. Hetta er fyrstu ferð, at eitt flogfar er bygt til at røkja flúgving upp á Føroyar, sigur Kaj Leo Holm Johannesen.</div><div><br></div><div><div>Johan Dahl, landsstýrismaður, heldur tað hava stóran týdning fyri Føroyar og samferðsluna við umheimin, at vit fáa eitt nýtt tíðarhóskandi flogfar til Føroya-flúgvingina, og at flogvøllurin er dagførdur.</div><div><br></div><div>-. Eg ivist ikki í, at hetta nýggja flaggskipið í flotanum hjá Atlantsflogi fer at tæna Føroyum væl, sigur Johan Dahl.</div><div><br></div></div><div><br></div><div><b>Á myndini síggjast Johan Dahl, landsstýrismaður, Kaj Leo Holm Johannesen, løgmaður, Magni Arge, stjóri í Atlantsflogi, og Sámal Danielsen, flogovasti. </b></div>
