- Tíðindi, mentan og ítróttur
Formansevni leggur frá sær sum ráðharri
<p>Maðurin, sum eftir ætlan skal gerast nýggjur formaður í Sosialistiska Vinstraflokkinum í Noregi, hevur lagt frá sær sum ráðharri.</p><div><br></div><div>Audun Lysbakken hevur lagt frá sær sum ráðharri í barna- og javnstøðismálum. Orsøkin er, at tað er komið undan kavi, at ráðharrastova hansara hevur játtað 154.000 krónur til ein felagsskap, sum í veruleikanum er undirdeild hjá ungmannafelagsskapinum hjá Sosialistiska Vinstraflokkinum. </div><div><br></div><div>- Eg havi ábyrgdina av teimum mistøkum, sum eru gjørd. Tí havi eg kunnað forsætisráðharran um, at eg leggi frá mær sum ráðharri, sigur Audun Lysbakken við norskar fjølmiðlar.</div><div><br></div><div>Kristin Halvorsen, sum hevur verið forkvinna í SV seinastu mongu árini, leggur frá sær á landsfundi floksins í næstu viku. Audun Lysbakken er einasta valevni til formanssessin.</div><div><br></div><div>Fyri løtu síðani varð greitt, at Kristin Halvorsen fyribils røkja málsøkini, sum Audun Lysbakken hevur umsitið í stjórnini.</div>
