- Tíðindi, mentan og ítróttur
Alment partafelag skal gera Sandoyartunnilin
<p>Grannskoðarafyritøkan Spekt hevur kannað tvey fíggjarmodell fyri Sandoyartunnilin og mett um, hvussu nógv sjóvegis ferðasambandið millum Gomlurætt og Skopun fer at kosta í famtíðini.</p><div><br></div><div>Kommunurnar í Sandoynni bóðu grannskoðarafyritøkuna um ymsar útrokningar, sum kunnu varpa fíggjarligt ljós á Sandoyartunnilin.</div><div><br></div><div>Sambært fyrra fíggjarmodellinum verður Sandoyartunnilin bygdur frá 2013 til 2017. Hann verður mettur at kosta 700 milliónir krónur við tilhoyrandi vegum, og allur kostnaðurin verður fíggjaður við láni. Landskassin skal verða við at gjalda lánið aftur, í tann mun raksturin ikki er førur fyri at gjalda. Rentukostnaðurin í byggitíðini verður mettur til 90 milliónir kr., um rentan er 4,5 prosent.</div><div><br></div><div>Í seinna modellinum verður Samdoyartunnilin bygdur frá 2017 til 2021. Tá verður kostnaðurin mettur til 750 milliónir krónur við tilhoyrandi vegum, og rentukostnaðurin í byggitíðin er 50 milliónir kr.</div><div><br></div><div>Landskassin skal í hesum førinum rinda 30 milliónir krónur um árið frá 2013, til tunnilin er liðugur. Restin av byggikostnaðinum verður fíggjað við láni, og landskassin verður við til at gjalda lánið aftur, í tann mun raksturin ikki er førur fyri at gjalda.</div><div><br></div><div>Í báðum modellum verður útgangsstøði tikið í, at eitt alment partafelag byggir og rekur Sandoyartunnilin og tekur neyðug lán. Av tí at íløgan ikki hvílir í sær sjálvum, er neyðugt, at landskassin eisini veðheldur fyri lánum. </div><div><br></div><div>Spekt sigur, at tað er kredittvirðið hjá landskassanum, sum verður avgerandi fyri lánstreytirnar. Tó er ilt at meta um, hvørjar lánstreytirnar verða. Fíggjarmarknaðurin er óstøðugur, og landskassin hevur frammanundan hall, sum skulu fíggjast á hvørjum ári. </div><div><br></div><div><b>Meiri verður at frætta um uppritið frá Spekt um Sandoyartunnilin í útvarpstíðindunum og Degi og Viku</b></div>
