- Tíðindi, mentan og ítróttur
Bjarni Olsen stevnir eftir 2,7 mió. kr. í fráfaringarløn
<div>Bjarni Olsen, sum var stjóri í gamla Eik Banka, hevur stevnt Eik Banka Føroya, tí hann heldur, at hann við órøttum varð burturvístur úr stjórastarvinum.</div><div><br></div><div>Bjarni Olsen krevur, at fráfaringaravtalan, sum hann gjørdi við Eik, tá hann varð noyddur at gevast sum stjóri í Eik 27.september í 2010, kemur í gildi aftur. Sambært tí, sum kom fram tá, skuldi Bjarni Olsen fáa løn í 18 mánaðir, 2,7 mió. kr., fyri at fara frá. </div><div><br></div><div>Men Fíggjarligt støðufesti, sum bjargaði Eik Banka, strikaði bæði fráfaringaravtaluna hjá Bjarna Olsen og hjá forstjóranum, Marneri Jacobsen.</div><div><br></div><div>Eik Banki Føroya krevur frídøming, tí bankin heldur, at Bjarni Olsen av røttum varð burturvístur. </div><div><br></div><div>Fyrireikandi rættarfundur var 1.mars. Og mánadagin kemur úrskurður frá Føroya rætti, sum skal gera av, um sakarmálið hjá Bjarna Olsen skal bíða eftir sakarmálunum, sum eru á veg móti øllum teimum, sum stoðu á odda fyri gamla Eik Banka.</div><div><br></div><div>Sum skilst koma tær stevningarnar í summar.</div><div><br></div><div><br></div>
