- Tíðindi, mentan og ítróttur
Fíggjarmálaráðið krevur nevndarsamsýningar aftur
<div>Reidar Nónfjall, fyrrverandi stjóri á Føroya Handilsskúla, skal gjalda aftur eina hálva millión krónur av samsýningini, hann hevur fingið fyri at sita í bygginevndini fyri Marknagilsdepilin.</div><div><br></div><div>Tað krevur Fíggjarmálaráðið.</div><div><br></div><div>Fíggjarmálaráðið átalar, hvussu stýrið fyri Føroya Handilsskúla hevur handfarið málið:</div><div><br></div><div><b>- Stýrið fyri Føroya Handilsskúla hevur ikki borið seg hóskandi at, </b></div><div><b><br></b></div><div><b>- stýrið hevur ikki hildið seg til ásetingarnar í § 17 í lógini um yrkisskúlar, </b></div><div><b><br></b></div><div><b>- stýrið hevur ikki hildið seg til ásetingarnar í § 3 stk. 4 í viðtøkunum fyri Føroya Handilsskúla, </b></div><div><b><br></b></div><div><b>- stýrið hevur ikki kannað almennu reglurnar fyri samsýningar til nevndarlimir, </b></div><div><b><br></b></div><div><b>- og stýrið hevur ikki steðgað samsýningunum til seinnu nevndina.</b></div><div><br></div><div>Tí áleggur Fíggjarmálaráðið stýrinum at krevja innaftur nevndar­samsýningina, sum fyrrverandi stjórin á Føroya Handilsskúla hevur fingið í seinnu bygginevndini, tað eru 34 mánaðir á 14.583 kr., tilsamans 495.822 kr.</div><div><br></div><div>Fíggjarmálaráðið grundgevur við, at fyrrverandi stjórin sum professjonellur stjóri á skúlanum má vera vitandi um, at eingin formlig samtykt fyriliggur um at rinda serliga samsýning. </div><div><br></div><div>At stjórin gjøgnum sítt virki innan almenna umsiting í mong ár má vera greiður yvir, at játtanarreglur og mannagongdir í sambandi við útgjald ikki eru fylgdar.</div><div><br></div><div>Og at stjórin við at rinda sær sjálvum 175.000 krónur árliga, sum er eitt munandi ískoyti til hansara vanligu løn, eigur at vita, at heimildin skal vera púra greið.</div><div><br></div><div>Tað stendur m.a. í niðurstøðuni hjá Fíggjarmálaráðnum, sum hevur somu atfinningar ímóti stýrinum fyri Tekniska Skúla í Havn.</div><div><br></div><div>Stýrið fær eisini eina átalu, og Fíggjarmálaráðið krevur, at stýrið krevur aftur nevndarsamsýningina á 45.000 krónur, sum stjórin á Tekniska Skúla í í Havn, Egon Øregaard, hevur fingið í seinnu bygginevndini.</div>
