- Tíðindi, mentan og ítróttur
Flokkarnir viðgera pensjónirnar
<div>Umboð fyri allar teir politisku flokkarnar hava á fundi í morgun viðgjørt ein part av pensjónsnýskipanini.Talan er um "Lóg um samansparing til eftirløn," sum er eitt av teimum tólv lógaruppskotunum í pensjónsnýskipanini.</div><div><br></div><div>- Vit hava fingið lýst hetta málið, og høvdu eitt gott orðaskifti, sigur Jørgen Niclasen, landsstýrismaður við fíggjarmálum, sum bað um fundin.</div><div><br></div><div>- Júst henda lógin er bulurin í allari pensjónsnýskipanini, og vit vilja fegin samtykkja hana í vár við so breiðari semju sum gjørligt, sigur Jørgen Niclasen.</div><div><br></div><div>Til heystar er ætlanin at fáa hin partin av pensjónsnýskipanini samtyktan, og landsstýrismaðurin sigur seg vóna, at allir flokkar verða við tá:</div><div><br></div><div>- Vit kunnu sjálvandi samtykkja málið í samgonguni, men vilja fegin hava øll við, sigur Jørgen Niclassen.</div><div><br></div><div>Á fundinum í Fíggjarmálaráðnum í morgun vóru ellivu fólk tilsamans - tvey fyri hvønn av teimum stóru flokkunum og eitt fyri hvønn av teimum smáu. Nú fara umboðini so aftur til flokkarnar, áðrenn tey hittast aftur týsdagin.</div><div><br></div>
