- Tíðindi, mentan og ítróttur
Tingið skal viðgera 51 mál fyri summarsteðgin
<div><br></div><div>Í dag var seinasti framløgudagur fyri summarsteðgin, og tilsamans vórðu 51 uppskot løgd fyri tingið. Landsstýrissamgongan eigur eina góða helvt av hesum málunum, tilsamans 26 í tali.</div><div><br></div><div>Andstøðuflokkurin Tjóðveldi legði 17 uppskot fram, Framsókn trý og Javnaðarflokkurin tvey. Hóast dagurin í dag var seinasti framløgudagur, so ber framvegis til at leggja uppskot fyri tingið at viðgera, áðrenn tingið fer í summarfrí. Til tess krevst tó undantak frá tingskipanini.</div><div><br></div><div>Millum uppkotini, sum landsstýrisamgongan legði fyri tingið í dag, er lóg um Tilbúgving, byggilóg, lóg um arbeiðsfremjandi tiltøk, lóg um málráð umframt broytingar í fleiri verandi lógum, eitt nú í lógini um barnavernd, kappingarlógini, forsorgarlógini, skattaásetingarlógini, lógini um gymnasialar miðnámsútbúgvingar og um Fróðskaparsetur Føroya, sum nú fær heitið "University of Faroe Islands."</div><div><br></div>
