Verkfallið sæst aftur í lønartølunum

11 milliónir krónur færri vórðu goldnar í almennum lønum tveir teir fyrstu mánaðirnar í ár

07.03.2012 - 15:37

<div>Verkfallið hjá pedagogunum sæst aftur í lønartølunum fyri februar. Í januar og februar í ár vórðu goldnar 11 milliónir krónur færri í almennum lønum enn somu mánaðir í fjør. Verkfallið hjá pedagogunum vardi í 16 arbeiðsdagar. </div><div><br></div><div>Í januar og februar í ár fingu føroyingar eina milliard og 75 milliónir krónur í løn, 5,4 prosent meira enn í fjør. Men í januar og februar í fjør var eisini verkfall, og Faroe Seafood fór á húsagang í desember árið fyri. </div><div><br></div><div>Lønirnar í alivinnuni vóru 40 milliónir krónur, frá desember 2010 til februar 2011. Nútvey ár seinni eru lønirnar ein fjórðing hægri, 50 milliónir krónur, upplýsir Hagstovan. Hýrurnar vóru 177 milliónir fyri tveimum árum síðani, nú eru tær 185 milliónir.  </div><div><br></div><div>Størstu sveiggini eru á flakavirkjunum. Í fiskavøruídnaðinum vóru lønirnar 78 milliónir, frá desember 2009 til februar 2010. Árið eftir fóru tær niður í 54 milliónir krónur, og nú eru tær komnar upp aftur í 65 milliónir, sum tó eru 17 prosent minni enn fyri tveimum árum síðani.    </div><div><br></div><div><br></div><div><br></div>