- Tíðindi, mentan og ítróttur
Hægri avgjald á sterka ølið
<div>Framleiðslugjaldið og innflutningsgjaldið á sterkum øli, sum verður loyvt 1.apríl, verður nakað hægri enn avgjaldið á ølinum, sum nú kann keypast í Føroyum.</div><div><br></div><div>Fíggjarmálaráðið skjýtur upp, at avgjaldið verður 180 kr. fyri liturin av reinum alkoholi. Tað gevur 18 kr. fyri liturin av øli, sum er 10 prosent. </div><div><br></div><div>Avgjaldið er 171 kr. á gulløli og 165 kr. fyri pilsnarøl. </div><div> </div><div>Fíggjarmálaráðið væntar ikki, at føroyingar fara at drekka meira, tá sterka ølið verður loyvt, men nakað minni av víni og veikum øli verður drukkið eftir 1.apríl. </div><div><br></div><div>Fólkaheilsuráðið, sum hevði uppskotið til hoyringar, mælir frá, at tað verður bíligari at keypa eina sterka øll enn tvær øl við helvtar styrki. Ein øl, sum er 9,2 prosent, má ikki kosta minni enn tvær pilsnarøl, sum eru 4,6 prosent. </div><div><br></div><div>Rúsdrekkasølan mælir til at hava eitt avgjald á øli í staðin fyri trý. Tað avgjaldið átti at verið 165 kr. fyri liturin av reinum alkoholi, heldur Rúsdrekkasølan. </div><div> </div><div> </div><div><br></div>
