- Tíðindi, mentan og ítróttur
15 mió. kr. til sjúkrahúsið í Klaksvík
<div>Løgtingið hevur í dag endaliga játtað 15 milliónir krónur til at umvæla og umbyggja Klaksvíkar sjúkrahús.</div><div><br></div><div>Tá málið var til triðju viðgerð fyrrapartin, atkvøddu 29 tingfólk fyri uppskotinum. Játtanin verður latin í trý fíggjarár.</div><div><br></div><div>Karsten Hansen, landsstýrismaður í heilsumálum, vísir á, at umstøðurnar á Klaksvíkar sjúkrahúsi eru vánaligar á fleiri økjum, og tí má okkurt gerast beinan vegin.</div><div><br></div><div>Tað mesta av virkseminum á sjúkrahúsinum fer fram í hølum, sum eru frá 1928 og frá 1959 og 1960. Umstøðurnar eru vánaligar, trongligar og ótíðarhóskandi.</div><div><br></div><div>- Tí er tað í tøkum tíma, at peningur verður settur av til at fáa hølisviðurskiftini á Klaksvíkar sjúkrahúsi nútímansgjørd, sigur Karsten Hansen, landsstýrismaður.</div><div><br></div>
