- Tíðindi, mentan og ítróttur
Nú lækkar stuðulin úr ALS
<p>Útgjaldið úr ALS fer nú at lækka úr 80 prosentum niður í 75 prosent, og útgjaldið kann í mesta lagi verða 17.500 krónur um mánaðin. Eisini skulu ganga 10 dagar, til arbeiðsloysisstuðul verður goldin út.</p><div><br></div><div>Johan Dahl, landsstýrismaður í vinnumálum, hevur lagt fram uppskot um broytingar í lógini um arbeiðsloysistrygging og arbeiðsávísing. Orsøkin er, at stýrið fyri Arbeiðsloysisskipanina heldur tað vera neyðugt við tiltøkum, tí arbeiðsloysið er framvegis stórt, og nógvur peningur rennur úr ALS.</div><div><br></div><div>Hallið hjá ALS í fjør verður væntandi 180 milliónir krónur. Árið fyri var tað 112 milliónir kr. </div><div><br></div><div><b>Eginognin minkar</b></div><div><br></div><div>Í 2009 var eginognin oman fyri 700 milliónir krónur, men við tveimum árum við stórum halli, fer eginognin at koma niður ímóti 420 milliónum krónum. Heldur gongdin fram, og einki verður gjørt, verður eginognin hjá ALS burtur um stívliga tvey ár.</div><div><br></div><div>Inngjaldið til ALS er hækkað upp í 1,25 prosent, og við lógarbroytingunum, sum eru lagdar fyri tingið, batnar úrslitið hjá ALS væntandi einar 70-80 milliónir krónur. Eftir at broytingarnar eru framdar, verður mett, at hallið hjá ALS verður 100-120 milliónir krónur um árið. </div><div><br></div><div>Við lógarbroytingunum og óbroyttum arbeiðsloysi, heldur skipanin í umleið fýra ár, áðrenn eginognin er burtur. Tí er neyðugt at fylgja væl við gongdini og gera møguligar broytingar aftur seinni, sigur Vinnumálaráðið í viðmerkingunum til uppskotið. </div><div><br></div><div>Í dag eru skrásett 1720 arbeiðsleys í ALS, 866 menn og 854 kvinnur.</div>
