- Tíðindi, mentan og ítróttur
Fráboðan nervar ikki partabrøv í Bakkafrosti
<div>Ætlanin at forða útlendingum at eiga í føroyskum fiskiskipum, hevur ikki havt ta stóru ávirkanina á partabrævakursirnar hjá Bakkafrosti í dag.</div><div><br></div><div>Hanus Hansen, reiðari í Klaksvík, óttaðist í gjár fyri, hvat kann henda, eftir at Jacob Vestergaard, landsstýrismaður, í gjár óvæntað boðaði frá, at samgongan arbeiðir við, at útlendingar ikki kunnu eiga í føroyskum fiskiførum eftir 1. januar 2018</div><div><br></div><div>Men útsøgnin hevur ikki ávirkað keypsskálan í Oslo stórvegis. Fyrrapartin hava verið tríggir handlar við partabrøvum hjá Bakkafrosti. </div><div><br></div><div>Tá keypsskálin læt aftur í gjár, var kursurin 37,40 norskar krónur. Í dag vórðu partabrøv í Bakkafrosti seld fyri fyri hægri prís, fyrst 38,70 og seinni 38,80 norskar krónur.</div><div><br></div>
