- Tíðindi, mentan og ítróttur
Kanning fær ikki prísirnar at lækka
<div>Heldur ikki í aðru atløgu vildi samgongan taka undir við uppskotinum hjá Javnaðarflokkinum um at kanna, hvussu til ber at gera ítøkilig politisk tiltøk, sum kunnu lækka prísstigið í Føroyum.</div><div><br></div><div>Tá uppskotið var til aðru viðgerð, skeyt formaðurin í Vinnunevndini, Alfred Olsen, upp at senda Vinnunevndini málið aftur. Tað varð einmælt samtykt.</div><div>Orsøkin var tó ikki, at formaðurin og hinir nevndarlimirnir hjá samgonguni vildu geva uppskotinum ein kjans. Orsøkin var, at í fyrra álitinum var tað, sum annar minnilutin í nevndini, Janus Rein í Framsókn, helt um málið, ikki komið við í álitið.</div><div><br></div><div>Janus Rein tekur eins og hinir andstøðulimirnir undir við uppskotinum hjá Rigmor Dam. </div><div><br></div><div>Heldur ikki í áliti nummar tvey tekur meirilutin í nevndini, samgongulimirnir, undir við uppskotinum. </div><div><br></div><div><b>10 prosent hægri</b></div><div><br></div><div>Meirilutin sigur seg hava fingið at vita, at kostnaðarstigið í Føroyum er meira enn 10 prosent hægri enn í Danmark, har sum kostnaðarstigið heldur ikki er millum tey lægstu. </div><div><br></div><div>Men batar eru á veg í Føroyum, sigur meirilutin í Vinnunevndini. Broytingar skulu gerast í kappingarlógini og fjarskiftislógini. Og arbeitt verður við nýggjum orkukeldum og betri fígging til sethúsabygging. </div><div><br></div><div>Sambært vinnuni ber illa til at lækka prísirnar, tí sømdirnar eru so vánaligar. Rentan á lánum er ov høg, oljan ov dýr og tað kostar nógv at fáa vørurnar til Føroya. Harafturat eru so avgjøld og meirvirðisgjald. Samanumtikið hevur vinnan lítið avlop, fekk Vinnunevndin at vita. </div><div><br></div><div>Meirilutin í Vinnunevndini heldur, at enn ein kanning fer ikki at lækka kostnaðarstigið í Føroyum. Í staðin fyri skulu landsstýrið og vinnan í felag gera broytingar, sum fáa prísirnar niður. </div><div><br></div><div><br></div>
