- Tíðindi, mentan og ítróttur
Málráðið fyri triðju ferð í løgtinginum
<div>Málráðið er komið í løgtingið fyri triðju ferð. Og fyrsta viðgerð er á tingfundinum í dag.</div><div><br></div><div>Málráðið skal menna føroyska málið, vegleiða, ráðgeva og gera niðurstøður í málspurningum og áseta stavsetingina.15 fólk vera í Málráðnum. </div><div>Lógin um Málráðið kemur í gildi 1.januar næsta ár. </div><div><br></div><div>Málráðið var tvær ferðir í tinginum í fjør. Fyrru ferð datt tað burtur, tí lógarupppskotið var ikki liðugt viðgjørt, tá tingið fór í summarfrí 1.juni. Seinnu ferð, tí val varð skrivað út 27.september.</div><div><br></div><div>Bjørn Kalsø, landsstýrismaður í mentamálum, sigur, at Mentamálaráðið hevur tikið við í lógina øll broytingaruppskotini, sum Mentanarnevndin hjá løgtinginum kom við í fjør vár. </div><div><br></div><div>Málráðið skal gera eina stavsetingarorðabók, sum verður løggild. Almennir myndugleikar eiga at skriva orðini soleiðis, sum tey eru stavað í stavsetingarorðabókini.</div><div><br></div><div><b>Ikki so víðar heimildir</b></div><div><br></div><div>Nýggja lógaruppskotið er ikki so avgjørt sum upprunaliga uppskotið. Sambært tí kundi Málráðið avgera málspurningar, nú stendur, at Málráðið ger niðurstøður í málspurningum. Men almennir myndugleikar hava skyldu til gera eftir niðurstøðunum hjá Málráðnum.</div><div><br></div><div>Mentanarnevndin vísti á, at orðið avgerð í fyrisitingarrættinum verður nýtt í málum, har ein almennur myndugleiki tekur avgerð, sum hevur rættarfylgjur fyri fólk. So víða heimild eigur Málráðið ikki at hava. </div><div><br></div><div>Lógaruppskotið um Málráð varð gjørt í Mentamálaráðnum eftir at eitt samt Løgting í september 2009 mælti til at skipa málráð. Málráðið kemur í staðin fyri Føroysku málnevndina, sum hevur virkað síðani 1985. </div><div><br></div><div>Málráðið fer at kosta eina millión um árið. Játtanin hjá Málnevndini, 400.000 kr., verður flutt og 600.000 kr. koma afturat.</div><div><br></div><div> </div><div><br></div>
