- Tíðindi, mentan og ítróttur
Eru eisini ósamdir um koyripengarnar
<p>Jenis av Rana og Bill Justinussen eru ikki bara ósamdir í spurninginum, um kostnaðarstøðið í landinum skal kannast. Teir draga heldur ikki eina línu, tá ið ræður um kostnaðarendurgjaldið hjá løgtingsfólkum.</p><div><br></div><div>Jenis av Rana tekur undir við Javnaðarflokkinum, sum hevur skotið upp at kanna, hvørji politisk tiltøk kunnu setast verk, til tess at lækka kostnaðarstøðið. Bill Justinussen er ímóti uppskotinum. Hann sigur, at ein slík kanning kostar, og kanningin skal fíggjast.</div><div><br></div><div>Javnaðarflokkurin hevur eisini eitt uppskot í tinginum um kostnaðarendurgjaldið. Mælt verður til, at formansskapurin tekur stig til at broyta lógina um samsýning og eftirløn løgtingsmanna, tí kostnaðarendurgjaldið endurspeglar ikki veruligu ferðaútreiðslurnar.</div><div><br></div><div>Hesum tekur formaðurin í Miðflokkinum eisini undir við. Jenis av Rana sigur, at koyripengarnir til løgtingsfólk uttan fyri høvuðsstaðin endurspegla ikki veruligu útreiðslurnar. Bill Justinussen vil hinvegin ikki hava sitandi á sær, at hann fær fleiri koyripengar, enn hann koyrir fyri. Hann sigur, at kostnaðarendurgjaldið er rímiligt, sum tað er.</div><div><br></div><div><b>Meiri verður at frætta í útvarpstíðindunum.</b></div><div><br></div>
