- Tíðindi, mentan og ítróttur
Fiskivinnumál í tinginum
<div>Framtíðin hjá fiskivinnuni verður viðgjørd í løgtinginum í dag, tá trý uppskot hjá andstøðuni fáa fyrstu viðgerð.</div><div><br></div><div>Tjóðveldi vil hava allar útlendskar eigarar úr fiskiflotanum, tí føroyingar skulu einsamallir hava avgerðarrættin, rættindini og vinningin í føroysku fiskivinnuni. Sambært uppskotinum skulu reiðaríini, sum útlendingar eiga í, sleppa sær av við útlendska ognarpartin í seinasta lagi 1.januar í 2018.</div><div><br></div><div>Javnaðarflokkurin vil, at manningin á fiskiskipum, sum eru undir føroyskum flaggi, eigur at fáa hýru eftir sáttmálunum hjá føroysku manningarfeløgunum. Reiðarar, sum ikki virða hetta, eiga at fáa bót, og landsstýrismaðurin skal kunna taka fiskiloyvið frá reiðaranum.</div><div><br></div><div>Og allir tríggir flokkarnir í andstøðuni, Javnaðarflokkurin, Tjóðveldi og Framsókn, mæla saman til at seta eina grein 25 nevnd at gera nýggja skipan fyri fiskivinnuna, sum skal koma í gildi 1.januar í 2018. Allir flokkar skulu hava fólk í tingnevndini, sum sambært uppskotinum skal koma við uppskotinum um framtíðina hjá fiskivinnuni í heyst.</div><div><br></div><div>Tingfundurin í dag byrjar klokkan11.</div><div><br></div><div><br></div><div><br></div>
