- Tíðindi, mentan og ítróttur
Ísland: Kanadiski dollarin ella evran
<p>íslendingar umhugsa annaðhvørt at nýta kanadiska dollaran ella evruna sum gjaldoyra.</p><div><br></div><div>- Valið stendur ímillum at lata sjálvræði í peningapolitikkinum einvíst frá sær við at nýta gjaldoyra hjá einum øðrum landi, ella at fara upp í ES, segði Jóhanna Sigurðardóttir, forsætisráðharri, í røðu síni, tá Samfylkingin, sum hon eisini er formaður fyri, helt landsfund í Reykjavík um vikuskiftið, skrivar heimasíðan EUobserver.</div><div><br></div><div>Ein talskvinna fyri Øssur Skarphéðinsson, uttanríkisráðharra, segði í gjár, at limaskapur í ES er besti møguleikin.</div><div><br></div><div>Ísland fer væntandi at hava fólkaatkvøðu um ES-limaskap tíðliga næsta ár, men kreppan í evrulondunum seinastu tíðina hevur fingið íslendingar at ivast, um tað loysir seg at fara í Evropeiska Samveldið.</div><div><br></div><div><b>Vilja sleppa av við krónuna</b></div><div><br></div><div>Andstøðuflokkarnir í Altinginum søgdu longu í fjør summar, at kanadiski dollarin er áhugaverdari gjaldoyra enn íslendska krónan.</div><div><br></div><div> Kanningar vísa, at stórur meiriluti er millum íslendingar at sleppa sær av við krónuna sum gjaldoyra, men teir eru ójavnir á máli, hvørt teir skulu velja kanadiska dollaran ella evruna í staðin. Kanningar visa, at 26 prosent av teimum spurdu vilja hava Ísland upp í ES.</div><div><br></div><div>Kanadiski sendiharrin í Reykjavík, Alan Bones, hevur sagt við íslendska kringvarpið, at Kanada er til reiðar at skifta orð um spurningin, at Ísland nýtir kanadiska dollaran sum gjaldoyra, skrivar Euobserver. </div>
