- Tíðindi, mentan og ítróttur
ES-tiltøk móti Føroyum koma í heyst
<div>Bæði í ES-ráðharraráðnum og í ES-tinginum hava ætlaðu handilsforðingarnar hjá ES-nevndini móti Føroyum og Íslandi so stóran týdning, at avgerðin fer skjótt gjøgnum ta annars sera stirvnu mannagongdina hjá ES, tá avgerðir skulu takast.</div><div><br></div><div>Tað metir norska fiskivinnublaðið Fiskeribladet/Fiskaren. </div><div><br></div><div>Alt bendir á, at heimildin at seta í verk forðingar móti Føroyum og Íslandi kemur longu í vár, og sjálvar forðingarnar koma í heyst.</div><div><br></div><div>Hjá Føroyum ræður nú um at avmarka skaðan, so hann eitt nú ikki nervar onnur fiskasløg enn makrel, segði Sjúrður Skaale, fólkatingsmaður, við Útvarpið í gjár. Sjúrður Skaale roynir at fáa Danmark, sum er limur í ES, at hjálpa føroyingum við at avmarka ætlaðu tiltøkini so nógv sum gjørligt.</div><div><br></div><div><b>Ikki treytaleysur stuðul</b></div><div><br></div><div>Føroyski fólkatingsmaðurin hevur víst donsku stjórnini á, at stuðulin hjá Javnaðarflokkinum til stjórnina hjá Helle Thorning-Schmidt, forsætisráðharra, er ikki treytaleysur.</div><div><br></div><div>Fyri at leggja dent á hetta, var formaður Javnaðarfloksins, Aksel V. Johannesen, við, tá Sjúrður Skaale í gjár hevði fund við danska matvøru- og fiskimálaráðharran, sosialdemokratin Mette Gjærskov.</div><div><br></div><div>Men sambært Fiskaren er fullkomið handilsbann móti Føroyum og Íslandi neyvan sannlíkt. Men handilsbann móti makreli kemur uttan iva. </div><div><br></div>
