- Tíðindi, mentan og ítróttur
Fyrisitingin eigur at fyrireika broytingar
<div>- Broytingar í lógini um vinnuligan fiskiskap eiga at verða fyrireikaðar og viðgjørdar í fyrisitingini, har serfrøðin er.</div><div><br></div><div>Tað segði landsstýrismaðurin í fiskivinnumálum, tá løgtingið í gjár viðgjørdi eitt uppskot til samtyktar um at seta grein 25 nevnd at gera fiskivinnunýskipan.</div><div><br></div><div>Uppskotið eiga andstøðuflokkarnir, sum skjóta upp, at løgtingið skal seta eina nevnd við umboðum fyri allar flokkar á tingi at gera uppskot til nýggja skipan fyri føroysku fiskivinnuna, ið skal vera galdandi frá 1. januar í 2018.</div><div><br></div><div>- Nú øll fiskiloyvi ganga út í 2018, er neyðugt, at nýggj skipan verður gjørd sum skjótast, soleiðis at fiskivinnan fær greið boð um framtíðar karmarnar, halda uppskotsstillararnir.</div><div><br></div><div>Jacob Vestergaard helt, at slík skipan fyrst og fremst eigur at verða viðgjørd í fyrisitingini, har serfrøðin er Hann segði seg vilja hava eina breiða viðgerð í løgtinginium av teimum broytingum, sum skulu fremjast í lógini um vinnuligan fiskiskap.</div><div><br></div><div>Uppskotið til samtyktar frá Tjóðveldi, Framsókn og Javnaðarflokkinum varð beint til viðgerðar í Vinnunevndini.</div><div><br></div>
