- Tíðindi, mentan og ítróttur
Menn rinda mesta skattin
<div>Menninir rinda tveir triðingar av lønarskattinum í Føroyum. </div><div><br></div><div>Sambært tølum hjá TAKS rindaðu menn eina milliard og 750 milliónir í skatti í 2010 og kvinnur 996,5 milliónir.Menn rinda sostatt tveir triðingar av inntøkuskattinum, sum landið og kommunurnar fáa.</div><div><br></div><div>Tølini eru í svari frá Jørgeni Niclasen, landsstýrismannin, til Kristionnu Winther Poulsen, løgtingskvinnu. Hon spurdi, um flatskatturin minkar lønarmunin millum menn og kvinnur, og um hann ger, at tað eisini loysir seg betur hjá kvinnum at arbeiða meira. 60 prosent av kvinnunum á føroyska arbeiðsmarknaðinum arbeiða ikki fulla tíð. </div><div><br></div><div>Kristianna Winther Poulsen vildi hava at vita, hvussu stórur munur er á vinninginum, sum ávikavist kvinnur og menn fáa burtur úr skattalættanum. </div><div>Landsstýrismaðurin svarar, at skattalógin ger ikki mun á kvinnum og monnum. Hvussu menn og kvinnur innrætta seg á arbeiðsmarknaðinum er ein heilt annar spurningur, sum fólk sjálvi hava frælsi til at raðfesta.</div><div><br></div><div>Skattalættin eggjar í øllum førum ongum til at fara av arbeiðsmarknaðinum, sigur Jørgen Niclasen. </div><div><br></div><div> </div><div><br></div>
