- Tíðindi, mentan og ítróttur
Myllurnar eiga at tola 70 metrar um sekundið
<div>Vindmyllurnar hjá Vestas eiga at tola 70 m/s. Kortini eru tvær myllur hjá SEV í Neshaga farnar í óveðri í vetur. Vestas leitar eftir orsøkini, men enn er eingin niðurstøða.</div><div><br></div><div>Tað sigur Hákun Djurhuus, stjóri í SEV. Hann svarar stjóranum hjá kappingarneytanum, Røkt, sum hevur sagt við Vágaportalin, at SEV hevur ikki nóg góðar vindkanningar í Neshaga. </div><div><br></div><div>Hevði SEV betri vindkanningar, visti SEV meira um umstøðurnar í Neshaga, og so vóru óhappini neyvan hend, sigur Jóhann í Niðristovu, stjóri í Røkt, við Vágaportalin. Hann heldur, at SEV átti at slept ætlan sínari í Neshaga, har sum SEV ætlar at seta upp tríggjar myllur afturat. Røkt hevur tríggjar myllur oman fyri Vestmanna. Tær eru av sama slagi sum myllurnar hjá SEV. Seinasta óhappið hjá Røkt var í februar 2008. </div><div><br></div><div>- Vit gjørdu sera neyvar vindkanningar, áðrenn vit settu okkara myllur upp, og tí vita vit eisini, hvørjir veikleikarnir eru, sigur Jóhann í Niðristovu við Vágaportalin.</div><div><br></div><div><b>Hava gjørt kanningar</b></div><div><br></div><div>Hákun Djurhuus svarar aftur á heimasíðuni hjá SEV, at SEV gjørdi neyvar vindkanningar í Neshaga í langa tíð, áðrenn myllurnar vórðu settar upp har. Myllurnar hjá Vestas eru bygdar til at tola vindferð upp í 70 m/s. Hákun Djurhuus sigur, at týska fyritøkan Enercon, sum skal lata tríggjar myllur at seta upp á Eystnesi í Neshaga í summar, hevur fingið alt at vita um vindin í Neshaga og nógvu stormarnar og ódnirnar nú í vetur.</div><div><br></div><div>- Enercon hevur kortini ikki tikið nakað fyrivarni í avtaluni við okkum. Tvørturímóti hava vit fingið at vita, at vit kunnu kenna okkum trygg við at brúka myllurnar hjá teimum í Neshaga, sigur Hákun Djurhuus, stjóri í SEV. </div><div><br></div><div><br></div>
