- Tíðindi, mentan og ítróttur
Eiga at leggja fram misálit á løgmann
<div>Fyrrverandi løgtingslimurin og løgtingsformaðurin hjá Tjóðveldi, Hergeir Nielsen, tók fyrrapartin orðið undir kjakinum aftaná formannsfrágreiðinginina hjá Høgna Hoydal.</div><div><br></div><div>- Tjóðveldi eigur at umhugsa at leggja uppskot um misálit á Løgmann fyri Løgtingið, helt Hergeir Nielsen. Hann helt at tað er ongin stjórnarleiðari í nøkrum framkomnum landi kundi sloppið væl frá at bróta landsins stýrisskipan so dyggiliga, sum sitandi løgmaður.</div><div><br></div><div>- Hetta eigur løgtingið at taka støðu til.</div><div><br></div><div>Málini, sum Hergeir Nielsen vísti á, sum eru so álvarslig, at tey eiga at fáa løgtingið at hyggja nærri eftir løgmanni og hansara arbeiði, eru samráðingarnar, løgmaður hevði í samband við fiskivinnusamráðingar við Ísland og blokksamráðingar við Danmark. Hann metti, at tað er púra greitt, at løgmaður átti at ráðført seg við uttanlandsnevndina fyrst. </div><div><br>- Tað er groft brot á stýrisskipanarlógina, staðfesti fyrrverandi løgtingsformaðurin, og kom við kravið um at løgtingið eigur at seta hann til svars fyri. </div>
