- Tíðindi, mentan og ítróttur
Framsókn: Færri sveiggj í búskapinum
<p>Framsókn hevur skotið upp at heita á landsstyrið um at leggja fram lógaruppskot um konjuktur-mótgangandi fíggjarpolitikk.</p><div><br></div><div>Framsókn sigur, at seinastu mongu árini hava verið óneyðuga stór sveiggj í føroyska búskapinum, sum hava havt neilig árin á borgaran og vinnuna. Orsøkin er, at politiska skipanin megnar ikki at standa ímóti ynskjum og krøvum um størri útreiðslur í almenna geiranum í góðum tíðum, sigur flokkurin.</div><div><br></div><div>Tá konjuktururin og harvið skattainntøkurnar eru yvir miðal, verður nýtslan sett eftir hesum. Tá konjuktururin kemur niður aftur í miðal ella niðurum, er neyðugt at skerja almennu nýtsluna. Avleiðingin er, at almenna nýtslan er við til at økja sveiggini soleiðis, at í góðum tíðum verður búskapurin ov heitur, har vandi er fyri inflasjón, og vit missa kappingarevni.</div><div><br></div><div>Í niðurgangstíðum verður spart, og skerjingarnir raka bæði starvsfólk hjá tí almenna og borgarar, sum fáa tænastur frá tí almenna. </div><div><br></div><div><b>Nógvur peningur at spara</b></div><div><br></div><div>Framsókn vísir á eitt konjuktur-mótgangandi modell, har nýtslan næsta árið er ein samanseting av inntøkum, sum hava verið trý ár frammanundan. Í 2007 var nýtslan 4 milliardir krónur og 4,5 milliardir 2008. Men modellið hevði tryggjað, at nýtslan var á leið hálva millard krónur minni, og frá 2006 til 2008 hevði borið til at spart 1,3 milliardir, sigur Framsókn. </div><div><br></div><div>Uppskotið kemur til fyrstu viðgerð í tinginum friggjadagin.</div>
