- Tíðindi, mentan og ítróttur
Krøvini at byggja verða herd
<p>Tá bygt verður í framtíðini skal byggingin lúka nútímans góðskukrøv og krøv til heilsu, trygd og umhvørvi.</p><div><br></div><div>Tað sigur Innlendismálaráðið í einum uppskoti um byggilóg, sum kemur til viðgerðar í tinginum í morgin.</div><div><br></div><div>Eingin landsbyggireglugerð er galdand í Føroyum, og avleiðingin av hesum er, at bygging sum heild ikki er fevnd av reglum og krøvum, t.d. bjálving, innlegging, orkunýtslu o.s.fr. Tað fer nýggja byggilógin at broyta. </div><div><br></div><div>Kári P. Højgaard, landsstýrismaður, sigur, at byggilógin er bara fyrsta stigið ar røkka endamálinum. Lógin heimilar, at fleiri kunngerðir verða settar í verk, sum áseta ítøkilig krøv til bygningar. Fyrsta kunngerðin um atkomuviðurskifti til bygningar fyri fólk, ið bera brek, er longu komin.</div><div><br></div><div>Innlendismálaráðið sigur, at lógaruppskotið fær fíggjarligar avleiðingar fyri tann, sum skal byggja, tí krøvini verða herd. Tí má roknast við, at íløgan verður eitt vet dýrari, men meirkostnaðurin fer at javna seg aftur í dygd og sparingum, m.a. tí at húsini verða betur bjálvað. </div><div><br></div><div><br></div>
