- Tíðindi, mentan og ítróttur
Taka støðu til samráðið við løgmann
<div>Í morgin verður avgjørt, um og nær løgmaður skal í samráð í Uttanlandsnevndini um sendistovuna í London.</div><div><br></div><div>Uttanlandsnevndin hevur fund í morgin klokkan hálvgum 9, og har fer formaðurin, Jákup Mikkelsen, at mæla nevndini til at biðja løgmann koma í samráð.</div><div><br></div><div>Sjey limir eru í Uttanlandsnevndini. Kravið er, at í minsta lagi fimm nevndarlimir játta at biðja løgmann koma í samráð.</div><div><br></div><div>Tað var fríggjadagin, at Kaj Leo Holm Johannesen, løgmaður, boðaði frá, at hann hevði avgjørt at lata sendistovu Føroya í London aftur, og at flyta virksemið til sendistovuna í Brússel. Avgerðin um at steingja sendistovuna í London er liður í at rationalisera uttanríkistænastuna á Løgmansskrivstovuni, segði løgmaður.</div><div><br></div><div>Avgerðin fall formanninum í Uttanlandsnevndini fyri bróstið. </div><div><br></div><div>- Grein 54 í stýrisskipanarlógini áleggur løgmanni at kunna Uttanlandsnevndina um týdningarmiklar avgerðir, og tað hevur hann ikki gjørt í hesum føri, sigur Jákup Mikkelsen, sum tí hevur kallað Uttanlandsnevndina saman.</div><div><br></div><div>Jákup Mikkelsen sigur, at hann ætlar at fáa løgmann í samráð skjótast gjørligt, annaðhvørt í hesi vikuni ella næstu viku.</div><div><br></div>
