- Tíðindi, mentan og ítróttur
Vilja hava meiri úr Samhaldsfasta alt fyri eitt
<p>Landsfelag Pensjónista hevur heitt á landsstýrið og løgtingið um at hækka inntøkuna hjá lágløntum pensjónistum beinan vegin.</p><div><br></div><div>Felagið sigur, at inntøkan hjá nógvum fólkapensjónistum í Føroyum er ov lág og liggur undir fátækramarkinum hjá OECD. Sambært Hagstovuni lá inntøkan í 2009 - nettofólkapensjón og Samhaldsfasti - hjá gott 41 prosentum av fólkapensjónistum undir OECD-markinum, sigur felagið. </div><div><br></div><div>At fólkapensjónistar hava inntøku, ið liggur undir fátækramarkinum, merkir, at teir hava ikki ráð at keypa vanligar gerandisvørur og tænastur sum onnur í samfelagnum.</div><div><br></div><div>Landsfelagið hjá pensjónistunum sigur, at útrokningar hjá danska skattamálaráðnum vísa, at tøka inntøkan hjá teimum, sum fáa minstu pensjón í Danmark, er hægri eftir skatt enn hjá teimum, sum bert hava fólkapensjón og Samhaldsfasta at liva av. Føroyski pensjónisturin fær 660 krónur færri um mánaðin. </div><div><br></div><div>Til tess at bøta um støðuna mælir Landsfelag Pensjónista til at hækka útgjaldið úr Samhaldsfasta 1.000 krónur um mánaðin alt fyri eitt. </div><div><br></div><div>Fundur var um málið við formenninar í politisku flokkunum í gjár, og Landsfelagið sigur, at rímilig semja tykist vera um, at útgjaldið úr Samhaldsfasta eigur at verða hækkað munandi. </div>
