- Tíðindi, mentan og ítróttur
Fleiri tilmæli um føroyska bátin
<p>Ein nevnd, sum varð sett í heyst at kanna umstøðurnar fyri, hvussu føroyskum bátasmíði kann verða skapt livilíkindi, hevur fleiri tilmæli til landsstýrismannin í mentamálum.</p><div><br></div><div>Bjørn Kalsø, landsstýrismaður, fekk í dag álitið frá nevndini, sum m.a. hevur hesi tilmæli.</div><div><p>arbeitt verður
fram ímóti, at UNESCO-sáttmálin til verju av immateriella
mentanararvinum verður settur í gildi fyri Føroyar, og at føroysk
lóggáva á viðkomandi økjum verður dagførd samsvarandi</p>
<p>karmar verða
skaptir fyri at skipa livandi søvn innan føroyska savnslóggávu.
Stuðulslóggávurnar til savnsvirksemið eiga í hesum viðfangi at
verða dagførdar</p>
<p>Róðrarsamband
Føroya, sum er kveikjari, tá tað kemur til at skapa áhuga fyri
føroyska bátinum, tekur atlit at aðalreglunum í upprunasniðinum
á føroyska bátinum í sínum regluverki</p>
<p>játtan verður
sett av á fíggjarlógini sum stuðul til virksemi hjá
frítíðarfeløgum, ið eru um tann siðbundna føroyska bátin</p>
<p>arbeitt verður
fram ímóti, at útbúgving í siðbundnum bátasmíði verður
skipað sum yrkisútbúgving</p>
<p>skeiðstilboð
í bátasmíði verða fyriskipað á tekniskum skúla í samstarvi
við Søvn Landsins</p>
<p>samstarv verður
skipað millum skúla og søvn um livandi savnsvirksemi</p>
<p>samstarv verður
skipað millum ferðavinnu og bátasmíð</p>
<p><b>Fegin um álitið</b></p><p>Bjørn Kalsø sigur, at tørvur leingi hevur verið á at fáa lýst umstøðurnar hjá føroyskum bátasmíði, og tí er hann sera fegin um álitið. </p><p>- Eftirspurningurin eftir føroyska bátinum er nú so lítil, at tíðin er komin at umhugsa, hvussu vit kunnu tryggja, at føroyingar eisini duga at smíða ein føroyskan bát um 100 ár, sigur landsstýrismaðurin í mentamálum.</p><p>Átta fólk mannaðu nevndina, sum hevur skrivað álitið. Tey eru:</p><p></p><p>Erland Viberg Joensen, formaður í
nevndini, Søvn Landsins, Fornminnissavnið</p>
<p>Olga Biskopstø, Granskingardepilin
fyri Samfelagsmenning</p>
<p>Rúna Hjelm, Felagið Grindabátarnir í
Vági</p>
<p>Terji Reinert Jacobsen, bátasmiður</p>
<p>Jan Herman Hansen, Róðrarsamband
Føroya</p>
<p>Regin Debess, Søvn Landins,
Fornminnissavnið</p>
<p>Oystein Sørensen, Yrkisdepilin</p><p>Armgarð
Weihe, skrivari í nevndini, Mentamálaráðið</p></div>
