- Tíðindi, mentan og ítróttur
Pál bjargaði donsku OL-vónini
<div>Takkað verið Pál Joensen, svam danska stafettliðið eitt lítið hálvt sekund skjótari enn kravtíðin í 4 x 200 metur frí til Olympisku leikirnar í London.</div>
<div>
<p>Tað skrivar Svimjisamband Føroya á síni heimasíðu, www.svimjing.com</p><p>Leingi var líkt til, at Pál Joensen og hinir tríggir donsku svimjararnir ikki fór at megna kravtíðina, tá teir svumu á Danish Open 2012</p>
<p>Teir báðir fyrstu svimjarnir, Mads Glæsner og
Daniel Skaaning, løgdu hvør í sínum lagi ov hart út, og mistu tíð seinastu
metrarnar.</p>
<p>Triði svimjarin, Anders Lie megnaði at halda ta
tíð, hann svam dagin fyri.</p>
<p>Seinasti svimjarin, Pál Joensen, svam 200
metrarnar skjótast ? 1:47:79 ? meir enn eitt sekund skjótari, enn
hann svam dagin fyri.</p>
<p>Samlaða úrslitið gjørdist, 7:15:38 .</p>
<p>Enn er ikki endaliga avgjørt, at Pál Joensen og
hinir tríggir sleppa at umboða Danmark á Olympisku Leikunum í London í summar í
4 ferðir 200 metur frí.</p>
<p>Tí kvota er á, hvussu nógv lið sleppa við, og enn
er møguleiki hjá øðrum liðum at sláa tíðina hjá teimum fýra.</p>
<p>Magnus Jákupsson megnaði í gjár at svimja seg
víðari til finalu í 100 metra firvaldasvimjing, eftir at hann í hálvfinaluni í
gjár setti nýtt føroyskt met og juniormet við tíðini 55.47 sekund. Hann átti
sjálvur metini, á 56.20 frá evropeisku juniormeistarastevnuni í Beograd í
fjør.</p>
<p>Klokkan hálvgum seks í dag svimur Magnus Jákupsson
í finaluni 200 metur rygg.</p>
<p>Klokkan hálvgum sjeyð svimur hann finalu í hundrað
metur firvald.</p>
<p>Nakrar minuttir seinni skal Pál Joensen í hylin.
Hann svimir 1500 metur frí.</p></div>
