- Tíðindi, mentan og ítróttur
1800 fólk arbeiðsleys í februar
<p>Hóast arbeiðsloysið minkaði eitt vet í februar, er tað framvegis ikki komið niður á tað stigið, sum tað var, áðrenn Fiskavirking fór á húsagang í 2010.</p><div><br></div><div>Tað vísa tøl frá Hagstovuni. <br><div><br></div><div>Í februar vóru tilsamans sløk 1800 fólk arbeiðsleys, 43 færri enn í januar - 908 konufólk og 888 mannfólk.</div><div><br></div><div>Í februar vóru 369 færri arbeiðsleys enn sama mánað í fjør, tá tað var í hæddini eftir húsagangin í Fiskavirking. Síðani fór at ganga framá, og frá februar til september í fjør vóru 580 færri arbeiðsleys. Men arbeiðsloysið er vaksið aftur, og enn eru fleiri enn 200 fólk arbeiðsleys enn í september í fjør.</div><div><br></div><div>Sostatt er arbeiðsloysið ikki komið niður á tað, sum tað var, áðrenn Fiskavirking fór á húsagang.</div></div><div><br></div><div>Í februar minkaði arbeiðsloysið í øllum sýslum uttan í Streymoyar sýslu. Arbeiðsloysið er størst millum tey elstu, 55-66 ár, og minst millum tey, sum eru millum 35 og 55 ár.</div>
