- Tíðindi, mentan og ítróttur
Kári P. Højgaard á Svalbard
<div>Kári P. Højgaard, landsstýrismaður í innlendismálum, er í hesum døgum á Svalbard, har norðurlendsku umhvørvisráðharrarnir hava fund</div><div><br></div><div>Útlát av CO2 og øðrum evnafrøðiligum evnum, sum varð latin í lofthavið, eru millum málini, ið eru til umrøðu á fundinum á Svalbard. </div><div><br></div><div>Av tí at Norðurlond liggja tætt við arktiska økið, er tað umráðandi, at Norðurlond standa saman um at minka um útlát av sóti og øðrum bitlum í atmosferuna. Tí arbeiða Norðurlond nú við eini felags yvirlýsing um, hvussu minkast kann um útlátini, ið gera stóran skaða á arktiska økið, skrivar innanríkisráðið í tíðindaskrivi.</div><div><br></div><div><b>Eisini í Grønlandi</b></div><div><br></div><div>Í farnu viku var Kári P. Højgaard á fundi í Ilulisat í Grønlandi, har ein kommunuráðstevna varð hildin. Grønlendski starvsfelagin, Anton Frederiksen, hevði boðið Kára P. Højgaard til Grønlands at greiða frá kommunalum viðurskiftum í Føroyum.</div><div><br></div><div>Í 2009 vórðu tær 18 grønlendsku kommununar lagdar saman í fýra kommunur, samstundis sum fleiri uppgávur vórðu fluttar frá Sjálvstýrinum til kommunurnar at umsita.</div><div><br></div><div>Umframt føroyska landsstýrismannin, greiddu eisini Ögmundur Jónasson, íslendskur innanríkismálaráðharri, og umboð fyri danska fíggjarmálaráðið frá kommunalum viðurskiftum.</div><div><br></div>
