- Tíðindi, mentan og ítróttur
Samráðast um tilfeingisgjald
<div>Fólkaflokkurin tykist at hava bakkað í spurninginum um tilfeingisgjald, hóast hvørki Jørgen Niclasen, formaður Fólkafloksins, ella Kaj Leo Johannesen formaður Sambandsfloksins, vilja vátta, at so er.</div><div><br></div><div>Dimmalætting endurgevur løgmann fyri at siga, at komið er tvørtur um spurningin um tilfeingisgjald</div><div><br></div><div> - Nú skulu vit finna semju um, hvussu stórt tað skal vera, sigur Kaj Leo Johannesen við blaðið. Dimmalætting sigur seg skilja, at talið verður nakað oman fyri hundrað milliónir krónur, men løgmaður fæst ikki at vátta, at hann er rætt endurgivin.</div><div><br></div><div>Jørgen Niclasen vil heldur ikki vátta, at Fólkaflokkurin nú gongur við til at áseta tilfeingisgjald. Tað má bíða, til fíggjarkarmarnir eru lagdir fyri Løgtingið sigur hann. </div><div><br></div><div>Ein bólkur við umboðum fyri flokkarnar í samgonguni hevur viðgjørt spurningin um tilfeingisgjaldið, og seinni í vikuni fer Jacob Vestergaard, landstýrismaður, at koma aftur til bólkin við, hvussu uppskotið skal orðast.</div><div><br></div>
