- Tíðindi, mentan og ítróttur
Stovnar verða lagdir saman
<div>Fleiri stovnar undir Fíggjarmálaráðnum vænta sær boð frá Jørgeni Niclasen, landsstýrismanni, um at teir skulu leggjast saman.</div><div><br></div><div>Tað eru stovnar sum Landsbankin, Hagstovan og Gjaldstovan, ið kunnu rokna við at fáa boð um at teirra framtíð fer at ligga í onkrum slagi av felags eind.</div><div><br></div><div>Jørgen Niclasen sigur, at eingin avgerðin er tikin. Men í sambandi við fíggjarkarmarnar hevur hann boðað frá, at tað almenna skal rekast fyri minni kostnað enn higartil.</div><div><br></div><div>Stjórin í Landsbankanum, Sigurð Poulsen, vil einki annað siga enn, at hann hevur hoyrt um ætlanina. Annars hevur áður verið tosað um at leggja Landsbankan saman við øðrum almennum stovni. Tá hevur Sigurð Poulsen mælt ímóti og lagt dent á, hvussu neyðugt tað er at hava ein Landsbanka, ið verður rikin sjálvstøðugt og óheftur av øðrum.</div><div><br></div><div>Stjórin á Hagstovuni, Hermann Oskarsson, skrivar á heimasíðuni stovnsins um, hvussu stóran týdning tað hevur, at virksemið hjá Hagstovuni er púra óheft av politiskum og fyrisitingarligum myndugleikum.</div><div><br></div>
