- Tíðindi, mentan og ítróttur
Landsstýrið samt um játtanarkarmin
<div>Tað er eitt samt landsstýri, sum hesaferð hevur latið løgtinginum uppskot um játtanarkarmar fyri næsta ár. </div><div><br></div><div>Allir fýra samgonguflokkarnir taka undir við karminum. Flokkarnir taka eisini undir við Rakstrar- og Løgu Úrslitinum fram til 2016, tá hallið á fíggjarlógini skal verða burtur.</div><div><br></div><div>Men semja er ikki í samgonguni um øll tiltøkini, sum neyðug eru at fremja, fyri at fáa hallið burtur í 2016. Tí eru karmarnir næstu árini ikki neyvt útgreinaðir, men tað stendur í uppskotinum, hvussu nógv aðalráðini skulu spara.</div><div><br></div><div>Landsstýrismaðurin í fíggjarmálum hevur latið løgtinginum uppskotið um játtanarkarmin fyri 2013, men hann vil einki siga um, hvat stendur í uppskotinum.</div><div><br></div><div><b>Frágeiðing og íløguætlan</b></div><div><br></div><div>Saman við uppskotinum um játtanarkarm fyri 2013 fylgir eisini ein frágreiðing um búskaparstøðuna, og ein ætlan fyri næstu fimm árini, sum játtanarlógin krevur.</div><div><br></div><div>Saman við uppskotinum um játtanarkarmin er harumframt ein langtíðar íløguætlan. </div><div><br></div><div>Landsstýrið hevur raðfest íløgurnar, og fríggjadagin verður greitt, hvussu íløgurnar hjá landsstýrinum verða skipaðar næstu 12 árini, frá 2013 til 2024. Sum útvarpið hevur frætt, er ikki full semja í samgonguni um hesa íløguætlan.</div><div><br></div><div>Játtanarlógin ásetir, at uppskotið um karmar skal leggjast fram fyri 1. apríl, men av tí at eingin tingfundur er í dymbildagavikuni, verður uppskotið lagt fram nú fríggjadagin.</div>
