- Tíðindi, mentan og ítróttur
Vildu ikki burturvísa skattamál í tinginum
<div>Skattastigin verður prísjavnaður, og barnafrádrátturin hækkar, sjálvt um formansskapurin mælti løgtinginum til at burturvísa málið.</div><div><br></div><div>Umsitingin hevði gjørt eitt løgfrøðiligt upprit, har mælt varð til at vísa tingmálinum hjá fíggjarmálaráðnum burtur. Sambært uppritinum er tingmálið í stríð við grein 41 í stýriskipanini, har tað stendur, at eingin beinleiðis ella óbeinleiðis skattur má verða álagdur, broyttur ella avtikin uttan við løgtingslóg.</div><div><br></div><div>Men løgtingið vildi hava løgtingsmálið til viðgerðar, sjálvt um umsiting og formansskapur mæltu løgtinginum til at burtvísa málið.Tað er ein dómur í hægstarætti um somu viðurskifti, sum fekk tinglimir í samgonguni at síggja burtur frá tilmælinum hjá formansskapi og umsiting.</div><div><br></div><div>Uppskotið at burturvísa uppskotið fall, og tí kom málið til vanliga viðgerð í tinginum. Eftir 1. viðgerð varð málið beint í fíggjarnevndina.</div><div><br></div><div>Uppskotið hjá landsstýrinum mælir til at javna skattastigan 1. november hvørt ár eftir miðalprístalinum. Somuleiðis at hækka barnafrádráttin við 1.000 krónum fyri hvørt barnið um árið.</div>
