- Tíðindi, mentan og ítróttur
Bjørn Kalsø upp í málið um útbjóðingina
<div>Málið um útbjóðingartilfarið til skúladepilin í Marknagili, ið handverksvinnan skírir at vera ógreitt og torskilt, er nú endað á borðinum hjá landsstýrismanninum í mentamálum.</div><div><br></div><div>Bjørn Kalsø hevur biðið um fund við Landsverk, eftir hvøssu atfinningarnar frá Føroya Handverksmeistarafelag móti útbjóðingartilfarinum í Føroya størstu byggiætlan.</div><div><br></div><div>Føroya Handverksmeistarafelag, ið umboðar flestu fyritøkurnar, sum hava fingið undagóðkenning at bjóða uppá arbeiðið, mælir myndugleikunum til at steðga á og endurskoða og rætta útboðstilfarið.</div><div><br></div><div>Felagið er av tí fatan, at sum heild er útbjóðingartilfarið ikki gjørt sambært galdandi siðvenju innan økið, og kann í fleiri førum ikki kallast eitt detailprosjekt eftir vanligum føroyskum standardi. </div><div><br></div><div>Niðurstøðan í skrivinum frá Føroya Handverksmeistarafelag er greið. Marknagilsverkælanin er ikki klár, nú arbeiðið at byggja hana verður boðið út. Hetta ger tað ógjørligt hjá teimum, ið skulu bjóða uppá arbeiðið, at koma við einum skikkaðum boði.</div><div><br></div><div>Tí má freistin at bjóða uppá arbeiðið leingjast, sigur Handverksmeistarafelagið.</div><div><br></div><div>Tilsamans 21 fyritøkur fingu herfyri undangóðkenning til at bjóða uppá arbeiðið. Landsverk ætlar, at lisitatiónin skal haldast í apríl mánaði.</div><div><br></div><div>Fundurin millum Bjørn Kalsø, landsstýrismann, og Landsverk verður í morgin.</div>
