- Tíðindi, mentan og ítróttur
Almenn skip í eitt reiðarí
<div>Fimm milliónir krónur kunnu sparast árliga í rakstri, um skipini hjá tí almenna verða løgd í landsreiðarí.</div><div><br></div><div>Í búskaparfrágreiðingini, sum í dag verður almannakunngjørd í sambandi við, at fíggjarkarmarnir verða lagdir fram, verður roknað við møguleikanum at leggja øll skip undir landinum í eitt reiðarí. Talan er um vaktarskipini, havrannsóknarskip og strandfaraskipini.</div><div><br></div><div>Í frágreiðingini verður sagt, at hesin rakstur átti at verið miðsavnaður fyri at gagnnýta stórrakstrarfyrimunirnar og vitan.</div><div><br></div><div>Mett verður, at henda samanleggingin kann fremjast longu í ár, og um undirtøka er fyri hesi samanlegging, kann ein millión krónur sparast næsta ár, fýra milliónir í 2014 og fimm milliónir krónur árliga árini eftir. </div><div><br></div><div><b>Hallið 250 mió. kr. næsta ár</b></div><div><br></div><div><div>Sambært uppskotinum til játtanarkarm verður hallið á fíggjarlógini næsta ár 250 milliónir krónur. Íløgurnar verða 299 milliónir.</div><div><br></div><div>Fíggjarmálaráðið væntar, at inntøkurnar verða fýra milliardir og 470 milliónir krónur, og raksturin verður mettur at kosta fýra milliardir og 421 milliónir krónur í 2013.</div><div><br></div><div><br></div></div>
