- Tíðindi, mentan og ítróttur
Eik 256 mió. kr. í halli
<div>Eik Banki hevði eina fjórðings milliard í halli í fjør</div><div><br></div><div>Tað vísir fyrsti ársroknskapurin hjá endurstovnaða Eik Banka, sum fevnir um 15 mánaðir - frá oktober 2010 til ársskiftið í ár. Hallið hetta tíðarskeiðið var 256 millónir krónur eftir skatt.</div><div><br></div><div>Høvuðsorsøkin til stóra hallið er, at bankin misti nógvan pening í sambandi við at yvirtaka virksemið hjá gamla Eik Banka í oktober 2010. Hetta kostaði 514 milliónir krónur.. </div><div><br></div><div>Harafturat vóru staðfestu tapini og niðurskrivingarnar hetta roknskapartíðarskeiðið 410 milliónir krónur. Henda tíðin hevur verið nógv merkt av, at bankin hevur yvirtikið ognir við vánaligari góðsku, sigur Eik.</div><div><br></div><div>Starvsfólkatalið hjá Eik er minkað úr 235 niður í 205. Og deildirnar eru eisini vorðnar færri. Tær vóru 15, men nú eru tær níggju í tali.</div><div><br></div><div>Solvensurin er í Eik 22,2 prosent. Lógarkravda minstakravið er 8 prosent. Útlánini eru minkað 1,9 milliardir, men innlánini eru vaksin 900 milliónir krónur.</div><div><br></div><div><br></div>
