Fyrsta stigið til nýggja svimjihøll

Tórshavnar býráð samtykti einmælt á fundi í gjárkvøldið at fara undir fyrsta stig til tess at byggja eina nýggja svimjihøll til kappsvimjing.

Talan er um eitt uppskot frá Havnar Svimjifelag um at byggja ein 50 metra langan og 25 metra breiðan hyl aftur at verandi svimjihøll í Gundadali. Høllin skal byggjast á økinum vestan fyri verandi svimjihøll, har høvuðsskrivstovan hjá ÍSF er.

Býráðið samtykti at játta eina hálva millión krónur til í fyrstu syftu at fáa til vega byggiskrá, har byggiætlanin verður lýst og kravfest og at fáa gjørt skitsuuppskot.

Býráðið valdi býráðslimirnar Jógvan Arge og Boga Andreassen í bygginevndina.