- Tíðindi, mentan og ítróttur
Óvissa um Vinnuháskúlan
<div>Óvissan og ótryggleikin um framtíðina hjá Vinnuháskúlanum hevur enn einaferð fingið Tórshavnar býráð at mótmæla ætlanini um at flyta Vinnuháskúlan úr høvuðsstaðnum.</div><div><br></div><div>Á býráðsfundi í gjárkvøldið skrivaðu allir møttu býráðslimirnir undir eina yvirlýsing, har mótmælt verður ætlunum um at flyta partar av skúlanum úr høvuðsstaðnum.</div><div><br></div><div>- Enn valdar ótolandi óvissa og ótryggleiki um framtíðina hjá Vinnuháskúlanum. Javnan frættist eisini um tilvildarligar ætlanir at niðurlaga og flyta aðrar útbúgvingar úr Havnini. Tórshavnar býráð mótmælir harðliga hesi gongd, stendur millum annað í yvirlýsingini.</div><div><br></div><div>Í staðin mæla býráðslimirnir til, at ein ætlan verður løgd, ið kann styrkja Tórshavn til ein veruligan útbúgvingar- og universitetsbý.</div>
